«Болгар радиосы» сәләтле тыңлаучыларын ачыклап, аларга зур иҗат юлына басарга ярдәм итәргә тели.

Катнашучылар халык, эстрада, автор җырларын башкара ала. Ә инде үзләрен эстрададан тыш күрсәтергә теләүчеләр, альтернатив жанрга мөрәҗәгать итә ала. Аерым башкаручылар да, төркемнәр дә үз иҗат җимешләре белән таныштыра ала. Яшь буенча исә, чикләүләр бар: эшләр ике яшь категориясендә каралачак: 15яшь тән 30га һәм 30 дан 50 гә кадәр.

Конкурста катнашу нечкәлекләрен «Болгар радиосы"на турыдан — туры шалтыратып белергә мөмкин (5705095).

Җиңүчеләргә «Болгар радиосы», «Яңа Гасыр» телерадиокомпаниясеннән иҗатларын таныту өлкәсендә яхшы гына теләктәшлек күрсәтеләчәк истәлекле бүләкләр тапшырылачак. Ә иң яхшыларны ачыклауда мәртәбәле жюри гына түгел, тыңлаучылар да үз өлешен кертә алачак.