"КАЛКАН" ЯКЛАНЫРГА ӨЙРӘТЕР

Әлеге тапшыруны карап, сез кискен вәзгыятьтә үзегезне ничек дөрес тотарга икәнен беләчәксез: талау, һөҗүм, урлау, хәвеф-хәтәр һәм башка очраклар. Зур шәһәрдә теләсә кайсы хәлгә юлыгырга мөмкин. Андый хәлгә каласың икән, тынычлыкны саклау шарт. Ничекме? Ул хакта «Калкан» бәян итәр. Программаны «Татарстан хәбәрләре» тапшыруы журналисты Марсель Әскәров алып барачак. Беренче чыгарылышта сүз ялган акчалар турында барачак. «Калкан» тапшыруын һәр шимбә һәм якшәмбе 9 сәгать 45 минутта «Татарстан — Яңа Гасыр» каналында карый аласыз.