"МИН НИНДИ ӘНИ!"

«Яңа Гасыр» радиосы Әниләр көненә багышлап «МИН НИНДИ ӘНИ!» дип аталган акция игълан итә. Карьера ясап та, балаларны күз уңыннан ычкындырмаучы тырыш анамы сез? Балаларын Ислам кануннары буенча тәрбияләүче саф күңелле дини анамы сез? Ә бәлки, язмышка буйсынып, балаларны ялгыз гына тәрбияләүче батыр анадыр сез? Әллә инде ятимнәрне сыендыручы олы йөрәкле анамы сез? Акциядә катнашу өчен балагыз белән бәйле кызыклы, гыйбрәтле вакыйгалар, нинди әни булуыгыз, көнегезнең ничек узуы хакында язып, 420015 Казан шәһәре, М. Горький урамы, 15нче йорт адресы буенча хат җибәрегез. Иң үзенчәлекле хикәя авторларын «Болгар» хәйрия фонды һәм «Яңа Гасыр» радиосыннан бүләкләр көтә!