Татарлар “Җомга киче”н карап ял итә

Биредә татар эстрадасының әйдәп баручы җырчылары һәм татар юморы осталары катнаша. Шуңа аны музыкаль-юмористик тамаша дип атарга була. Белүебезчә, федераль каналларда мондый рухта төшерелә торган тапшырулар бик популяр. Мәсәлән, «Россия-1» каналында «Субботний вечер» программасы чыга. Татар телевидениесендә исә аның ише проект шимбә кичендә түгел, ә җомга көн кич чыгачак. Һәм сез анда татар эстрадасының якты йолдызлары: Фердинанд Сәлахов, Дилә Нигъмәтуллина, Резидә Шәрәфиева, Алсу Әбелханова, Илсөя Бәдретдинова, Булат Нигъмәтуллин, Бәширә Насыйрова, «Фәридә-Алсу» дуэты, Лилия Хәмитова, ИлСаф, Рәсим Низамов, Хәмдүнә Тимергалиева, Камил Кәримов, Буа сатира һәм юмор театры актерлары, «Ахырзаман» сатира һәм юмор театры, Татарстан Җөмһүриятенең дәүләт җыр һәм бию ансамбле, «Рәхәт-Лукум» һәм «Казан егетләре» төркемнәрен күрә алачаксыз.

18нче март көнне 19 сәгатьтә карамыйча калмагыз!