Чаллыда рөхсәтсез самолет очып йөргән

Транспорт прокуратурасы Чаллының «Бигеш» халыкара аэропортыннан рәсми рәвештә очу өчен рөхсәте булмаган очкычның даими рәвештә күккә күтәрелүен ачыклаган. Тикшерүләр күрсәткәнчә бу якындагы агрофирма кырларына ашлама чәчүче «кукурузник» булып чыккан, дип яяза җирле басма.

АН-2 самолеты Краснодар краеннан бирегә эшкә: ашлама сиптерергә килгән икән.Әммә һава транспорты командирының очыш өчен рөхсәт биргән документлары булмаган. Транспорт прокуратурасы әлеге очыш өчен җаваплы җитәкчеләргә штраф салачак.

Моннан тыш, әлеге агрофирманың аэропортка якын урнашкан булуы, башка самолетлар очышына куркыныч яный, дигән дәгъва дә белдерә хокук саклау органнары. Бу районда кошлар күп очып йөри икән, ә алар самолет двигательләренә эләгергә мөмкиннәр.

(Татар-информ)